Þessi síða notar vefkökur.
Vefkökur (e. cookies) eru litlar textaskrár sem eru geymdar í minninu á tölvunni þinni í gegnum vafrann þinn.
Þær eru notaðar til þess að gera notendaupplifun þína sem besta og einfalda okkur að hafa yfirlit yfir þínar stillingar, tryggja öryggi og til að greina umferð um síðuna.


Hjá Janusi endurhæfingu fer fram fjölbreytt starfs- og atvinnuendurhæfing.

Í Janusi endurhæfingu er unnið í þverfaglegum teymum. Í teymunum eru atvinnuráðgjafi, bæklunarlæknir, félagsráðgjafar, félagsfræðingur, fjölskylduráðgjafi, geðlæknir, hjúkrunarfræðingur, iðjuþjálfar, kennarar, sálfræðingar, sjúkraþjálfarar og leiðbeinendur.

Hver þátttakandi fær tengilið sem heldur utan um endurhæfinguna með honum. Tengiliðir eru ýmist iðjuþjálfar, félagsráðgjafar, félagsfræðingur eða hjúkrunarfræðingur.

Þátttakandinn og tengiliðurinn setja saman einstaklingsmiðaða dagskrá sem samanstendur af þeim námskeiðum sem í boði eru hverju sinni, þeirri dagskrá sem þátttakandinn er að stunda utan Janusar endurhæfingar ef einhver er, svo sem nám eða hlutastarf, auk þess sem honum bjóðast viðtöl við lækna Janusar endurhæfingar og einstaklingsmeðferð sálfræðinga svo nokkuð sé nefnt.

Fjölbreytt úrval námskeiða, fræðslu- og meðferðarhópa er í boði (sjá stundarskrá) hverju sinni. Endurhæfingunni er skift í 6 vikna lotur. Í hverri lotu er boðið upp á ný og spennandi námskeið. Þannig er tryggt að stígandi sé í endurhæfingunni og þátttakandinn hvattur til að taka ný skref í átt að markmiðum sínum. Á námskeiðunum er m.a. unnið með daglega iðju og virkni, rútínu og venjur, tilfinningastjórnun, samskiptafærni, eigin umsjá, ýmiskonar hreyfingu og líkamsrækt, núvitund, félagslega virkni, meðvirkni og tómstundir.

Ýmsir meðferðahópar eru í gangi hverju sinni, svo sem hugræn atferlismeðferð (HAM), Dialectical atferlis meðferð (DAM) og „Mentalizing Based Treatment“ (MBT). Einnig eru mismunandi DAM færihópar í gangi hverju sinni svo sem varðandi tilfinningarstjórnun, núvitund og samskipti

Faglegu starfi Janusar endurhæfingar er stjórnað af heilbrigðisstarfsfólki. Að starfinu koma einnig aðrir sérfræðingar, innan og utan Janusar endurhæfingar, allt eftir þörfum hvers og eins þátttakanda.

Starfsemin er fjármögnuð með gerð þjónustusamnings við starfsendurhæfingarsjóðinn Virk.

 

Mat á stöðu einstaklings


Auk atvinnuenduræfingar er hjá Janusi endurhæfingu boðið upp á eins til tveggja mánaða þverfaglegt mat. Sérfræðingar meta raunhæfi einstaklingsins til þess að sinna starfsendurhæfingu m.a. út frá; mætingum, rútínu, stundvísi, ábyrgð, samvinnu, áhugahvöt, getu og vilja til að taka leiðbeiningum, markmiðssetningu svo eitthvað sé nefnt. Hin ýmsu mælitæki eru einnig nýtt við það mat.

Matið er fyrir einstaklinga:

  • Þar sem geta og áhugahvöt til starfsendurhæfingar er óljós
  • Sem erfitt er að meta og nauðsynlegt að hafa til þess góðan tíma

L1160930 47L1140613 39

 

© 2018 Janus endurhæfing ehf. | Læknisfræðileg starfs- og atvinnuendurhæfing | kt: 671099-3629 | Sími 514-9175 | janus@janus.is | Janus endurhæfing er opin alla virka daga milli 8:00-16:00 | Síminn er opinn virka daga frá 8:00-12:00 og 13:00-15:00 |