Þessi síða notar vefkökur.
Vefkökur (e. cookies) eru litlar textaskrár sem eru geymdar í minninu á tölvunni þinni í gegnum vafrann þinn.
Þær eru notaðar til þess að gera notendaupplifun þína sem besta og einfalda okkur að hafa yfirlit yfir þínar stillingar, tryggja öryggi og til að greina umferð um síðuna.

Download as iCal file
Textíl tilraunir
Wednesday, 23. September 2020, 09:00 - 11:30
Hits : 371

Textíl tilraunir

19.08.2020 - 25.09.2020

Fyrir hverja: Alla þátttakendur Janusar endurhæfingar.

Miðvikudaginn 19. ágúst hefst námskeiðið Textíl tilraunir. Á Námskeiðinu verður boðið upp a hekl, prjón, flos og taulitun. Markmið námskeiðsins er að víkka sjóndeildarhringinn í handverki og njóta þess að leyfa hugmyndafluginu að ráða ferðinni. Kynnast nýjum og fjölbreyttum leiðum til að tjá sig á skapandi hátt.

  • Miðvikudaga kl. 09:00-11:30 (2. hæð suður)
  • Föstudaga kl. 09:00-11:30 (2. hæð suður)

Prjón og hekl: Samfélagsverkefnið ,,Heklað fyrir Kattholt'' er gott tækifæri fyrir byrjendur til að læra að hekla eða prjóna. Heklaðar/prjónaðar verða mottur fyrir kisurnar til þess að liggja á. Einnig má þróa áfram tæknina og læra að gera ný mynstur.

Flos: Flosið er mjög byrjenda vænt. Notast er við bæði litla og grófa flospenna til að ,,teikna'' í efnið og er það því frábrugðið útsaumi þar sem saumnál er notuð. Oftast er notast við mjög gróft garn í flosi og verkið klárast því fljótar. Flosið einkennist mikið af abstrakt list þar sem hún líkir ekki eftir raunverulegum hlutum, myndefnið skiptir minna máli en framsetning lita og forma.

Taulitun: Á námskeiðinu verða kynntar alls konar leiðir til að búa til mismunandi mynstur í föt eða efni. Notast verður við tauliti til að lita boli eða tuskur sem er fyrst snúið upp á og svo hnýtt með teygjum. Fyrsta prufan er gerð í tuskur og svo býðst þátttakendum að prófa að lita boli eða efni að heiman. Markmiðið er að kynnast mynsturgerð í taulitun og njóta þess að læra að búa til fallega gjafavöru sem er bæði einföld og fljótleg í verki.

Námskeiðið er opinn hópur og geta þátttakendur skráð sig hvenær sem er á tímabilinu. Skráning fer fram í samráði við tengilið og inn á Janus Manager. Leiðbeinendur verða Sigga, Stína og Dísa.

Location 2. hæð, Skúlagötu 19

Efnisleit

© 2018 Janus endurhæfing ehf. | Læknisfræðileg starfs- og atvinnuendurhæfing | kt: 671099-3629 | Sími 514-9175 | janus@janus.is | Janus endurhæfing er opin alla virka daga milli 8:00-16:00 | Síminn er opinn virka daga frá 8:00-12:00 og 13:00-15:00 |